წყლის სისტემის რეაბილიტაცია

წყალსადენის სისტემის მოწყობა უკვე დაიწყო  სოფელ ლეღვაში.  პროექტის ფარგლებში დაიდგმება რკინა- ბეტონის წყალშემკრები რეზერუარები, აშენდება საქლორატორი სადაც ტექნოლოგიური დანადგარები დამონტაჟდება. პირველი ეტაპის სამუშაოების დასრულების შემდეგ იგეგმება მოსახლეობის დაქსელვა და ათასამდე ოჯახის გამრიცხველიანება. ინფრასტრუქტურული ღონისძიებისთვის ბიუჯეტიდან დაახლოებით ერთი მილიონი ლარი დაიხარჯება.