ლუხუმ ჩხვიმიანი მსოფლიოს ჩემპიონია

 ძიუდოისტი ლუხუმ ჩხვიმიანი 60 კილოგრამ წონით კატეგორიაში მსოფლიოს ჩემპიონია. 26 წლის ქართველმა  ტოკიში მიმდინარე მსოფლიოს ჩემპიონატზე რთული ბრძოლები მოიგო.

ფინალურ შეხვედრაში ჩხვიმიანი უზბეკ  შარაფუდინ ლუტფილაევს დაუპირისპირდა და იპონით დაამარცხა.

ლუხუმ ჩხვიმიანი საქართველოს ისტორიაში ძიუდოში მე-8 მსოფლიოს ჩემპიონია.

ხვალ 66 კილოგრამ წონით კატეგორიაში ბაგრატ ნინიაშვილი და  ვაჟა მარგველაშვილი იასპარეზებენ.