ავტომობილები ჯერ ერთმანეთს, შემდეგ კი ორივე ხეს შეეჯახა

ბათუმში, ბარათაშვილის ქუჩაზე, ორი მსუბუქი ავტომანქანა ჯერ ერთმანეთს შეეჯახა, შემდეგ კი ხეს. ავარიის დროს ახალგაზრდა კაცი დაშავდა. 

სასწრაფო დახმარების ბრიგადამ პაციენტი ''მედ-ცენტრში'' გადაიყვანა. 

ექიმების ინფორმაციით, მამაკაცის მდგომარეობა სტაბილურია და მის სიცოცხლეს საფრთხე არ ემუქრება. კლინიკაში მას კვლევები უტარდება. 

ადგილზე სამართალდამცველები იმყოფებიან. ტერიტორია ყვითელი ლენტითაა შემოფარგლული. შინაგან საქმეთა სამინისტრომ გამოძიება, სისხლის სამართლის კოდექსის 276-ე მუხლის პირველი ნაწილით დაიწყო, რაც ავტოსატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.