რუსი სამხედროების წვრთნები თვითაღიარებულ აფხაზეთში

რუსმა სამხედროებმა ოკუპირებული აფხაზეთის ტერიტორიაზე მორიგი სწავლება ჩაატარეს. რუსეთის სამხედრო-ადმინისტრაციულ ერთეულში, სამხრეთის სამხედრო ოლქში აცხადებენ, რომ სამხედრო წვრთნების ფარგლებში რუსმა მზვერავებმა „მთიან ტერიტორიაზე დამალული პირობითი დივერსანტების ლიკვიდირება მოახდინეს“. მანევრები „ცაბალის“ სამხედრო პოლიგონზე ჩატარდა. მასში რუსული სამხედრო ბაზის 100-მდე მზვერავი და სამხედრო ტექნიკის 20-მდე ერთეული მონაწილეობდა.