გორგილაძის ქუჩაზე 40 წლამდე ასაკის ქალს ავტომობილი დაეჯახა
22 Aug 2017
გორგილაძის და ჯავახიშვილის ქუჩების კვეთაში ფეხით მოსიარულეს ჯიპის ტიპის ავტომობილი დაეჯახა. სასწრაფო დახმარების ბრიგადამ დაშავებული გულ-მკერდის დახურული დაზიანებით ბათუმის რეფერალურ საავადმყოფოში გადაიყვანა.
თვითმხილველების ინფორმაციით ქუჩაზე ქალი და მამაკაცი ერთად გადადიოდნენ, სწრაფად მიმავალი ჯიპი ქალს დაეჯახა. შს სამინისტროში აცხადებენ, რომ საქმე სისხლის სამართლის კოდექსის 276-ე მუხლით აღიძრა რაც ტრანსპორტის ექსპლუატაციის დარღვევას გულისხმობს, რამაც ადამიანის ჯანმრთელობის დაზიანება გამოიწვია.
