ტაქსის მძღოლების პროტესტი

ტაქსის მძღოლები საბაგირო სადგურთან ავტობუსის გაჩერების მონტაჟს აპროტესტებენ. ამბობენ, რომ ტურისტებით ყველაზე დატვირთულ  მონაკვეთში, სადაც ტაქსებზე მოთხოვნა მაღალია, მათ მუშაობა აეკრძალათ. მათივე თქმით, დაახლოებით 60 ოჯახი ლუკმა-პურის გარეშე რჩება.

მუნიციპალური ტრანსპორტის გაჩერება საბაგირო სადგურის მიმდებარე ტერიტორიაზე რამდენიმე დღის წინ დაამონტაჟეს. მას შემდეგ, საპატრულო პოლიცია ტაქსის მძღოლებს, რომლებიც მანქანებს აკრძალულ ზონაში აჩერებენ, აჯარიმებს.

შპს ბათუმის ავტო - ტრანსპორტში კომენტარს არ აკეთებენ, თუმცა განმარტავენ, რომ  ავტობუსების გაჩერების ნიშანი საპატრულო პოლიციის მოთხოვნით და მერიასთან შეთანხმებით დამონტაჟდა.