სოლომონ ფეიქრიშვილის ხსოვნის ტურნირი ძიუდოში

დღეს ბათუმის სპორტის სასახლეში დაიწყო  სოლომონ ფეიქრიშვილის ხსოვნისადმი მიძღვნილი ტრადიციული საერთაშორისო ტურნირი ძიუდოში „შავი ზღვის თასი“. შეჯიბრება 2008-2009 წლებში დაბადებულ სპორტსმენთა შორის ტარდება.

გასულ წლებთან შედარებით გაზრდილია ტურნირში მონაწილე ქვეყნებისა და სპორტსმენთა რაოდენობა. ქართველ ჯუდოკებთან ერთად შეჯიბრებაში აზერბაიჯანის, ლატვიისა და თურქეთის ძიუდოისტები მონაწილეობენ. ტურნირი საქართველოსა და აჭარის ძიუდოს ფედერაციების ორგანიზებით და აჭარის სპორტის დეპარტამენტისა და ბათუმის სპორტის სასახლის მხარდაჭერით ტარდება.