საერთაშორისო ტურნირი ფეხბურთში „ატეიტის თასი ბათუმი 2025" 

„დინამო“ ბათუმის ანგისის საწვრთნელ ბაზაზე გრძელდება ტრადიციული საერთაშორისო ტურნირი ფეხბურთში „ატეიტის თასი ბათუმი 2025“. საფეხბურთო ფესტივალში, რომელიც უკვე მეოთხედ ტარდება, ხუთი ქვეყნის ასზე მეტი კლუბი და 1500-ზე მეტი ბავშვი მონაწილეობს სხვადასხვა ასაკობრივ კატეგორიაში.

უკვე დასრულდა შეჯიბრება 15-წლამდელთა შორის. ამ ასაკობრივ კატეგორიაში პირველი და მეორე ადგილები შესაბამისად, „ქუთაისი 1-მა“ და „ქუთაისი 2-მა“ დაიკავეს, მესამე ადგილზე თბილისის „ვიკინგი“ გავიდა.

დღეს ასპარეზობაში უკვე 13 წლამდე ასაკის ფეხბურთელები ჩაერთვნენ. ტურნირი 21 სექტემბერს დასრულდება.