მსოფლიოს საკლუბო ჩემპიონატის ყველა მეოთხედფინალისტი ცნობილია

ამერიკის შეერთებულ შტატებში მიმდინარე მსოფლიო საკლუბო ჩემპიონატის მერვედფინალში მადრიდის „რეალმა“ ტურინის „იუვენტუსი“ 1:0 დაამარცხა და მეოთხედფინალში ითამაშებს.

შეხვედრაში ერთადერთი გოლი 54-ე წუთზე „რეალის“ ახალგაზრდა თავდამსხმელმა, გონსალო გარსიამ გაიტანა. მადრიდის „რეალი“ მსოფლიო საკლუბო ჩემპიონატის მეოთხედფინალში „დორტმუნდის“ „ბორუსიას“ დაუპირისპირდება, რომელმაც „მონტერეი“ 2:1 დაამარცხა.

მეოთხედფინალური წყვილები კი ასე გამოიყურება:  „ფლუმინენსე“ – „ალ ჰილალი“ ; „პალმეირასი“ – „ჩელსი“; პარი სენ-ჟერმენი“ – „ბაიერნი“;  „რეალი“ – „დორტმუნდი“.