შოთა არველაძე სამწვრთნელო კარიერას უბრუნდება

საქართველოს ნაკრების ყოფილი ფორვარდი შოთა არველაძე თურქულ "ქასიმფაშას" გაწვრთნის, ამის შესახებ ინფორმაციას თურქული მედია ავრცელებს.

წყაროს ცნობით, კლუბსა და არველაძეს შორის შეთანხმება უკვე შედგა და ქართველი სპეციალისტი კონტრაქტს 1+1 სისტემით გააფორმებს. შოთა ბურაქ ილმაზს შეცვლის.

"ქასიმფაშამ" გასულ სეზონში თურქეთის სუპერლიგაში 47 ქულით მე-10 ადგილი დაიკავა.

შეგახსენებთ, რომ არველაძე თურქულ გუნდს 2012-2015 წლებში წვრთნიდა, მისი ხელმძღვანელობით გუნდმა 91 მატჩიდან 33 მოიგო, 28 ფრედ ითამაშა, 30-ჯერ კი დამარცხდა.