ბათუმელი კარატისტების წარმატება

საერთაშორისო ტურნირზე კარატეში ,,OPEN GEORGIA 2025“ წარმატებით იასპარეზეს ბათუმელმა სპორტსმენებმა. ჩვენი გუნდის ანგარიშზე სამი ოქროსა და ერთი ბრინჯაოს მედალია.

18 წლამდელთა შორის ტურნირის ჩემპიონი გახდა ლუკა შანთაძე, რომელმაც +18 ასაკობრივ კატეგორიაშიც იასპარეზა და იქაც ოქრო მოიგო.

ოქროს მედლის მფლობელი გახდა თამარ ცინცაბაძე, რომელიც 13-წლამდელთა კატეგორიაში ასპარეზობდა.

რაც შეეხება 11-წლამდელთა შორის მოასპარეზე დემეტრე ცინცაძეს, მან ბრინჯაოს მედალი მოიპოვა. ბათუმელი სპორტსმენები ტურნირისთვის მწვრთნელებმა ნიკოლოზ გოგუაძემ და ბექა ბინალიევმა მოამზადეს.