აფხაზეთიდან დროებით დევნილ 1000-მდე ოჯახს სააღდგომო ნობათი გადაეცა

აფხაზეთის მთავრობის თავმჯდომარის გადაწყვეტილებით,  აღდგომის დღესასწაულთან დაკავშირებით, აფხაზეთიდან დროებით დევნილმა მოწყვლადი კატეგორიის 1000-მდე ოჯახმა სააღდგომო ნობათი მიიღო. სააღდგომო ნობათი გადაეცა  ქალაქ ჯვარში, ხანძრის შედეგად დაზარალებულ, სოციალურად დაუცველ, ჩაჩხალიების ოჯახს. ოჯახი პირადად მოინახულა ლევან მგალობლიშვილმა.