საქართველო-ჩეხეთის მატჩზე დასასწრები ყველა ბილეთი გაყიდულია

საქართველო-ჩეხეთის საფეხბურთო ნაკრებების მატჩზე დასასწრები ყველა ბილეთი გაყიდულია. ბილეთების გაყიდვა ონლაინ რეჟიმით, დღეს 12:00 საათიდან დაიწყო.

ჩვენი ნაკრები ჩეხეთს უეფას ერთა ლიგის B დივიზიონის პირველ ტურში დაუპირისპირდება. მატჩი 7 სექტემბერს 20:00 საათზე მიხეილ მესხის სახელობის სტადიონზე გაიმართება.

შეგახსენებთ, რომ  საქართველოს ნაკრები  სექტემბერში ჩეხეთთან მატჩის გარდა კიდევ ერთ შეხვედრას ჩაატარებს. ვილი სანიოლის გუნდი 10 სექტემბერს ალბანეთის ნაკრებს ესტუმრება.