საქართველოს ხელბურთელთა ახალგაზრდული ნაკრები ევროპის ჩემპიონატისთვის ემზადება

საქართველოს ხელბურთელთა ახალგაზრდული ნაკრები ევროპის 20 წლამდელთა ჩემპიონატისთვის ემზადება.

ივლისში U20 ვაჟთა ახალგაზრდული ევროპის ჩემპიონატი გაიმართება, რომელშიც 12 გუნდი მიიღებს მონაწილეობას. ტურნირს 12-21 ივლისს კოსოვო უმასპინძლებს.

საქართველოს 20 წლამდე ახალგაზრდული ნაკრები C ჯგუფში ლიეტუვას და ესტონეთს დაუპირისპირდება.

მოსამზადებელ ეტაპზე 25-26 ივნისს ვაჟთა ახალგაზრდული ნაკრები ირანელ თანატოლებს დაუპირისპირდება, ხოლო 2-4 ივლისს თურქეთს მიიღებს და ამით დაასრულებს ტესტ-მატჩების სერიას. მატჩები ოლიმპიურ სპორტის სასახლეში 18:00 საათზე გაიმართება.

საქართველოს ახალგაზრდულ ნაკრებში აჭარის რეგიონიდან ანრი აბულაძე (გარემარბი მარცხენა კუთხის მოთამაშე) ნუგზარ ტარიელაძე (გარემარბი მარჯვენა კუთხის მოთამაშე) და თემურ ქამადაძე (მეკარე) ასპარეზობენ.

ევროპის ჩემპიონატის მატჩების განრიგი:

• 13 ივლისი საქართველო-ესტონეთი;
• 15 ივლისი ლიეტუვა-საქართველო;
• 19 ივლისი ნახევარფინალები;
• 21 ივლისი ფინალი.